الخميس، نوفمبر 24، 2011

بتقولوا دول حبة عيال ..أصحاب أجندة ومأجورين

بتقولوا دول حبة عيال ..أصحاب أجندة ومأجورين ؟! طيب تمام
بس السؤال يا حضرة الوطني الهمام
ممكن بكام:
... تبيع يا حضرة نور عينيك ؟ او تنضرب طلقة رصاص ترشق في رجلك أو إيديك ؟ ممكن بكام:
بإيديك تشيل جثة أخوك ؟
وتشم ملو الصدر غاز ؟
وفي الشوارع يسحلوك ؟
طب خد كمان قرشين زيادة وقول موافق يقتلوك ..

ديـــن أبـوهـم إسـمه إيــــه

من قصيدة ديـــن أبـوهـم إسـمه إيــــه . . . !!؟؟
==========================
إيه يا مصر إيه يا أرض الطبيبين اللي حكموا في الزمان ده يبقوا مين ؟


دين أبوهم اسمه إيه؟ حد يعرف فيكوا دين

كل أتباعه لصوص أو قوادين ؟

في المعاصي مولودين في الكراسي مأبدين

في التفاهة معدودين في السفاهة مفرودين

ع البلاهة مسنودين للشراهة مجندين

ع القرف متعودين ع الشرف متمردين ع الوطن متنمردين بالخيانة موحدين

اللي يعرف دين كده يقوللي عليه

دين أبوهم اسمه إيه؟!!


---------------------------
للشاعــر جمال بخيت