الاثنين، أكتوبر 08، 2012

فيه حجات بنتعلق بيها ونروح وراها منلحقهاش


فيه حجات بنتعلق بيها
ونروح وراها منلحقهاش
وحجات بتبقى قصاد عينّا
ومن غرورنا مبنشوفهاش
وحجات بنخسر بيها حجات
علشان حجات ملهاش قيمه
وحجات قيمتها تبان بالذات
فـ وقت ما بتبقى قديمه
وحجات بتكسر شيئ فينا
وحجات تسيب روحنا سليمه
فـ سعات نحس الكون ده براح
وسعات بيبقى فـ ضيق خيمه
وحجات نشوفها هتنفعنا
وهيا فـ الأصل متنفعش
فيه نجوم بجد ومبتلمعش
ونجوم كتير تلمع علشان
نجوم لشباك السيما
ولسه ياما هنلقى حجات
ولسه ياما مسيرنا نشوف
والدنيا بتعلم فينا
ولا حد يتعلم ببلاش !