قابل شهيد الثورة ف الجنّة … شهيد الحرب
قالّه يا بختك يا أخي …. عارف بتضرب مين
أنا مُت معرفشي.... كان جاي منين الضرب
كل اللي كانوا هناك شبهي و مصريين !!!
أنا و إنت مُتنا صحيح....
علشان بلدنا تعيش
وانا و إنت مُتنا صحيح...
شجعان... و بنقاتل
أنا جيت هنا علشان...
إيدي ما طاوعتنيش
أقتل …و إنتا عشان …
أبطأ من القاتل !!
إنتا الجميع خلفك.... من ناس و من سلطة
و أنا الجميع خلفي...من جيش و من شرطة !!!
مصطفى ابراهيم
ليست هناك تعليقات:
إرسال تعليق