كان نفسى فيكى
ألقى حاجه تشدنى
ألقى الآمان وقـت
أما أخاف
والقى فـ دفاكى
إختلاف
يا حبيبتى عن كُل الدفا
الاقى وقت ما كون حزين
ساعة صفا
ألاقى ابتسامه حين
... ما يملانى الزعل
كان نفسى ألقى فـ حضنك
البارد أمل
كان نفسى قلبك يا حبيبتى
يضمنى ..
كان نفسى فيكى ألقى حاجه
تهمنى
كان نفسى ألحق فى عيونك
ركعتين
ركعه حَرم .. ركعة حُسين
وملاك هناك بيأمنى
كان نفسى أكتبلك بالليل
وأعملك فـ ضلوعى قوارب
ونحاول أكتر نتقارب
لكن إحساسك موصلش
كان نفسى وكان نفسى ونفسى
لكن كان حلم ومحصلش
ليست هناك تعليقات:
إرسال تعليق