معقولة كلمة صغيرة .. فيها السعادة دى كلها

معقولة كلمة صغيرة .. فيها السعادة دى كلها ؟؟ ...
معقولة من أربع حروف ...
تقلب سمايا و أرضها ؟؟ 
بتحبنى ؟؟
طَب قول كمان ...
بتحبنى ؟؟
خطَفِتنى لما سمعتها ...
أربع حروف ..
لحظة ما بس نطقتها ...
كل الحاجات اتغيرت ...
كل الغصون إخضَر عودها و زَهٌرِت ...
كل النجوم اتبَسمت ...
اتحررت ...
حتى الدموع صبحت ندى ...
و الضِيق براح .. زى الفَضا ...
و الآهـه بعد ما قلتها ...
الضحكة راجعه مع الصدى ...
أربع حروف ...
اتلونت بيها المعانى بلون جديد ...
خلتنى اشوف بكره اللى كان ..
دايماً بعيد ...
و لقيتنى بافرح ..
زى طفل ف حضن عيد ...
أربع حروف ...
فيهم كلام كل الحروف ...
فيهم يقين معرِفش خوف ...
فيهم ملامحك مرسومين ..
فيهم عينيك دايبين حنين ...
فيهم كسوف ...
أربع حروف ...
فيهم نغم كل الغُنـا ...
فيهم سكون ...
سحر الجنون ...
فيهم أنــا ...
إنت و أنـا ...
تابعونى    https://www.facebook.com/kera2at 

لــ دعاء عبد الوهاب