ف مكان بعيد

ف مكان بعييييد 
أول شمال قبل المُحال
بعد امتداد الأسئلة 
على ناصية طالة على الخيال 
ما بين يقين الأجوبة و بين مرار الاحتمال
شايفاك هناك
واقف بتجمع من دموع البحر
حبات الندى
و عنيك بترسم ضحكتين
فوق خدود الحلم
تفتحله المدى
سامعاك بتهمس
خَطِّى ياللا و قربى
فكى القيود من فوق حروفك و اهربى
من بين مسامى اتسرسبى
بحنين دمايا اتشرَّبى
سرحانة يمكن كنت و كتبت الكلام دا
جايز حكاية
جايز تكون تخاريف و نوم
جايز كلام مالهوش لزوم
الله يجازيكى حروفى
غاوية تلعبى :)
لـ دعاء عبدالوهاب