يسقط إيه؟؟ حكم العسكر

يسقط إيه؟؟
حكم العسكر؟
يسقط ليه؟
علشان دم شباب من مصر؟
رفضوا يوالوا كلاب القصر؟... علشان فيهم واحد حُر ؟؟!
رفض القهر و رفض المُر ؟؟!
رفض الفيلم دا يبقى عليه !!
علشان لسه فى ناس مش فاهمة
إن سكوتهم أصبح أزمة !!
و لسه بتسأل يسقط إيه؟
طيب يسقط حُكم العسكر
و ماتسألشى يسقط ليه

أنا أصلاً باتهدد يومى
و لا عاد حيلتى غيرها هدومى
باتساوم علنى على سكوتى
و يا إما راح يعلنوا موتى ؟!!
و لا حتى هاتبقالى الديّة !!
طب يلعن أبو دى حرّية
لو كان ليها حرف شروط
يا إما حقوقى يا إما الموت
و لسه بتسأل يسقط إيه؟
طيب يسقط حُكم العسكر
و ماتسألشى يسقط ليه
..




و برده مش محتاج تسأل عن الصورة
و لا انا محتاجة أتكلم
و ماتسألشى يسقط لي

لـ مروة جمال الدين