المرأة هي تلك البندقية ان أجدت الإمساك بها

المرأة ...
هي تلك البندقية ان أجدت الإمساك بها ملكت عالمك
وان فقدت السيطرة أرسلت رصاصها الى قلبك
https://www.facebook.com/kera2at

الضريـــبه مش غريبة ندفع الأوجاع ضريبة قسمى الأحزان شرايح

الضريـــــــبه 

مش غريبة..

ندفع الأوجاع ضريبة..

قسمى الأحزان شرايح..

عبى دمعى ف الصفايح..

واسألى عمرى اللى رايح..

المصيبة..

لسه شايلك ف العيون

أجمل حبيبة..

قولى كذبة..

حبى ليكى يبقى حسبة..

والأمانى والهوا..

والشوق بنسبة..

وانتى عزبة..

للى ماله فيكى حسبة..

المصيبة..

لسه شايلك ف العيون

أجمل حبيبة..

مين اللى قرر يقتل الحلم

فى عيون كل الطيور..

ليه تسلمينى

من طابور تانى لطابور..

قيدى البخور..

بركات جراحنا المزمنة..

كل الأمانى الممكنة..

تبقى يادوبك دمعتين

فوق صورة باهتة ملونة..

سايبة الجراح ليه تهدنى..

إيه فيكى تانى يشدنى..

ده أنا اللى حبى عززك

وانتى اللى عشقك ذلنى..

لسه يا حلوة بتسألى..؟!

بتحبنى..

نفسى أشترى

شبرين فى حضنك وارتوى..

فكرك مسافر أغتنى..

خدى اللى حيلتى

الهدمتين والقرشينات..

بس استرى عرض البنات..

لو حسنا على دمنا

فى قلوبنا مات..

لو بكره فات..

واحنا بياكلنا السكات..

كل الأمانى الممكنة..

تبقى يادوبك

دمعتين..

فوق صورة باهتة ملونة..