تشرب لك كاس ؟!
من وجع الدنيا و يأس الناس
او كاس م الفرحة المجروحة
متحاوط بعيون الحُراس
مانعين الفرحة تعدي حدود
البسمة الباردة المكسورة
و يخافوا لتاخُد لو صورة
تضحك فيها ..
تشرب لك حبة و بعديها
تسكَر و تتوه مع عزف الناي
و تفكر ف الحلم ال(مش) جاي
تنتابك نشوة خدَاعة
و تفوت ساعة
و الحلم هناك عالشماعة
خايف م الموت
مستنيك تيجي تقول ازاي
الحلم صبح مكتوم الصوت
و الوقت يدور
و انت ف سُكرك منتشي مكسور
اليأس سماك و الحلم مداس
تشرب لك كاس
من غدر الدنيا و وجع الناس ؟؟!!
ابراهيم الصمدي
ليست هناك تعليقات:
إرسال تعليق