انا أبعد واحد عن نفسى .. انا اكتر واحد ما صاحبتوش لا عُمرى قابلتنى صدفه

انا أبعد واحد عن نفسى ..
انا اكتر واحد ما صاحبتوش
لا عُمرى قابلتنى صدفه ..
لا عُمرى عرفتلى عنوان
ويوم ما عرفتلى سكه ..
ويوم ما جمعنى بيا مكان
وقفت قصاد عيون الباب
إديّا ماسكه فـ الأوكره
ببص لنفسى من بره
ومفتحتوش !
... مختفش أشوفنى متغيّر
ولكن كنت مش باكى
على حاجه ومن يومها
بوارب ضى شّباكى ..
وبقفل بابى على نفسى
ووحدى بعيش
وحتى ان شفتنى فـ طريق
بدارى عنيا ومشوفنيش
وأغمض عينى عن عينى
ولو سألونى عنى فـ يوم
بقول واحد ومقابلتوش !
انا أبعد واحد عن نفسى ..
انا اكتر واحد ما صاحبتوش

تابعونى
تويتر https://twitter.com/#!/kera2at

فيس بوك https://www.facebook.com/kera2at