و روحى بتظبط التوقيت وتفتح للسعادة بيبان بتبنى جوه قلبى ف بيت يعيش جوايا فيه رمضان

و روحى بتظبط التوقيت
وتفتح للسعادة بيبان
بتبنى جوه قلبى ف بيت
يعيش جوايا فيه رمضان
وطير محبوس ف اركانى
ف قيد الذنب بيعانى
بيستنى يطير تانى
جناحه يحرره الغفران
يغنى تعالى يا رمضان
وتقل ذنوب على كتافى
يحب الضلمة ويوافى
ل شق ف روحى مش دافى
ف نور الشمس مش بيبان
يهد التلج فيه رمضان
يصوم القلب عن ذنبى
و روحى لابسة توب دعوات
يغطى ف دعوة من قلبى
ب ستر الرحمة ف الصلوات
ف تبكى بحرقة من خوفها
يا رب اكفينى شر نيران
خلاص اشتقنا يا رمضان

تابعونى
تويتر https://twitter.com/#!/kera2at

فيس بوك https://www.facebook.com/kera2at