ياما نمت انا زعلان .. محدش رن يطمّن .. بلاش أرجوكوا تتفجؤا تقولو ده خاب أو اتجنن

كان منى فين بس السؤال؟!

ماياما نمت انا زعلان ..

محدش رن يطمّن ..

بلاش أرجوكوا تتفجؤا

تقولو ده خاب أو اتجنن ..

انا اتغيرت من جوى ..

... عشان مليت ..

قعدت كتير انا وحدى

بموت مـ الخوف ..

ولو بسأل على صاحب

مهوش عادى ..

ده أنتيمى ..

أقول فينك يقول معلش

عندى ظروف ..

بقيتوا  كلكوا مهمين ..

خلاص يعنى ..

مفيش واحد فـ يوم قالى

واحشنى ياواد ..

وفينك ليه مبتبانشى ..

ولو جمعتنا يوم صدفه

يكون عادى سلام بالإيد

وبعديها يقول

"معلش متأخر وعايز أمشى "

خلاص كلوا بقى مشغول ..

بلاش رنه ..

ياسيدى أكتب

ولو حتى كلام عـ الـ wall

بلاش تانى حجج فارغه

انا مليت ..

بقالى سنين بقابل ناس

وبعرف ناس ..

وزى مارحت زى ماجيت

أوعى حد يلومنى انى ..

مبقتش زى زمان معاه

مبقتش بسأل عـ الأحوال

ياللى انتوا لهياكوا الحياه

كان منى فين بس السؤال

 تابعونى 

تويتر https://twitter.com/#!/kera2at

فيس بوك https://www.facebook.com/kera2at